有一种冻，叫广州冻，冻到你无处可躲，冻到你妈都唔认得。Σ(°△°
)︴係依个连地狱麻婆豆腐系短短几分钟内都可以变成凉拌豆腐嘅日子里,真系着多多衫都唔够！嚟嚟嚟～听朋友讲有个方法可以令你快速热爆喔！事不宜迟，出花～正味美食城！(≧▽≦)/
唔讲唔知，原来正味美食城已经有十五年历史，信誉品质都杠杠的！位于解放桥底，地方宽敞分上下两层，夜晚仲连路边都开埋台，就算系咁，都经常爆满，真系南华东路宵夜人气之王啊！
任性鱼虾蟹斋睇个款，就完全理解到佢个名係点嚟！静係个盘就一米长，单条鱼都十几斤重！起码要两三个大汉先抬得佢郁。如果想食晒，冇翻十一二个壮汉，大家都係带定饭盒准备扶墙打包走啦！但果D只係一般人嘅食法，究竟点先可以真正体验到任性鱼虾蟹嘅精粹？！等小编话你知～１个人嚟到正味美食城，点一盘任性鱼虾蟹！然后将完全吸收晒鱼虾蟹等材料精华嘅芫荽食晒～埋单，走人！唔好问点解，有钱，就系咁任性！
(?′?`?)不过呢，我想讲，如果有咁任性嘅小伙伴嘅时候，可唔可以带埋我去？你食完芫荽你埋单走先，净低嘅等我执手尾得噶啦，千万唔好客气！话晒依款咁任性嘅鱼虾蟹，係正味里面两大招牌菜鱼咬羊ＰＫ吹涨鱼虾蟹嘅合体升级版！主要是响吹涨鱼虾蟹嘅基础上加入左鱼咬羊，再加入鲍鱼白贝等材料～使得鱼虾蟹鲜甜里面多左一份羊嘅野味，羊肉里面又吸收左海鲜特有嘅香甜，既特别又满足，令人流连忘返！
可唔可以静静鸡偷个懒，係依个时刻，小编我除左流口水之外，仲有些少无奈！咁鬼多材料，我要介绍几耐打几多字先介绍得完！o(≧口≦)o。所以，不如留个惊喜俾你哋，係正味老板嘅任性之下，任性鱼虾蟹就好似一个小宝藏，等待大家去探索，相信无论食材，定係味道都可以带俾大家意外惊喜！(??????)??即日起任性鱼虾蟹提供广州市内配送服务，只需提前一日预约，详情请咨询店铺电话！兄弟姊妹们，齐齐组队任性到家啦！！！
鱼咬羊古人偶然将鱼羊同煮发现其鲜美无比，据闻依个就系鲜字嘅来源！北方以羊为鲜，南方以鳖为鲜，又有御厨易牙尝试将二者结合，发现味道鲜上加鲜，美味无比。真正带俾我哋惊喜嘅系正味美食城嘅老板！总结前人经验，独创出鱼腹藏羊再加一鳖同煮！(╯▽╰)
一加一加一等于三，你识，证明你幼儿园读得非常好！但三观尽毁嘅时候到了！当鱼、羊、鳖同处一锅，温度慢慢提升，汤底逐渐沸腾！佢哋自身嘅鲜味逐渐渗入汤底相互交融彼此吸收，与自身鲜美相辅相成，冲击极致之鲜！果种充满口腔嘅鲜甜满足感，未亲口试过你无法体会。边个仲够胆话一加一加一等于三！（づ￣3￣）づ╭?～
吹够涨鱼虾蟹依个吹够涨又系正味美食城一大特色！顾名思义就系一定要吹得够涨先食得啦！咁嚟了喂～一齐吹到佢够涨够涨了喂(⊙o⊙)！
随住加热包裹嘅锡纸慢慢涨起，理论上唔需要等到咁涨噶！o(﹏)o只不过挂住喂手机喂得忘情了．．．
热心嘅店员姐姐终于顶唔顺我哋，出手督穿左锡纸～╮(╯▽╰)╭
一打开，一阵汹涌而来嘅香气，令我哋充满期待之余，忍唔住抬起手，抹左抹嘴角（ˉ﹃ˉ）
噔噔噔噔！吹到够涨嘅鱼虾蟹终于赤果果咁呈现系我哋面前，浓郁嘅鲜香牵引住你每一条神经。若以一字记之，鲜！但如果你问同鱼咬羊相比谁更鲜，我会觉得你系笨蛋，各有所长何必自伤矛盾╮(╯﹏╰）╭
依盘吹涨鱼虾蟹，就好似鱼仔同虾仔蟹仔从细就系一齐相互嬉戏玩耍嘅好朋友，香醇嘅汤底仿佛妈妈温暖嘅怀抱，包裹住守护住佢地逐渐成长，令鱼虾蟹不分彼此一点一点释放出自己最纯粹最鲜甜最原始嘅味道，系一道食完会从心里面暖出嚟嘅美食！
邂逅鱼虾蟹港式避风塘风味嘅基础上用N多咸蛋黄完全包裹，边个抗拒到依种金黄色嘅诱惑！表面咸蛋黄味道特殊而迷人，而里面鱼肉依然香嫩几乎无骨，一咸一鲜一脆一嫩，极端嘅口感与味觉令人不自觉闭起眼细细回味。
筷子咁长の濑尿虾话明是美食城，菜式品种梗系多多，惹味之选又岂止那几锅？网上热传过手臂咁劲的濑尿虾，原来这里都有特供！每日都有泰国bigsize三两重濑尿虾新鲜到店！
嘴刁店主更是研发出8种口味，避风塘、烧汁、美极、椒盐等做法样样齐，为啖啖扯丝的惹味虾肉，试足8次又何妨？！
六大人气小炒介绍完正味的几大招牌之后，意犹未尽，不得不感叹正味嘅正嘢真是数极都数唔晒，仲有不得不试，传承三代掌门人心血的六款人气小炒，话梅猪手、九味大肠、正味小炒皇、花雕酒焗猪脷、茶树菇炒牛柳、吊烧鱿鱼筒，包你日日去都食出新花样，睇怕都冇边间店可以任性得过正味美食城啦！
爽皮鸡爽皮鸡睇落去好似同一般白切鸡冇乜分别，但其实内有乾坤噶！
掀开覆盖表面嘅鸡皮，发现鸡肉已经全部拆骨，仲加入左木耳等材料，配合鸡肉食味道更加有层次，入口清凉伴随着一股鸡肉香味，认真咬落去，皮Q肉滑，果如其名，正因为皮爽脆，口感鲜爽，唔使蘸料都唔会觉得无味，如果再蘸D姜蓉蒜蓉酱，更显鲜香。
春砂仁甘香肉春砂仁是我国“四大南药”之一，具有化湿开胃、温脾止泻、行气调味、理气安胎等功效，而且香味独特，菜刚上嚟就已经将我哋所有馋虫勾起！配上新鲜腩肉，令你在咀嚼健康、绵软嘅同时，还能品尝出甘香肉味，让人回味无穷。
清汤羊“听讲大冬天，羊肉同清汤更配哟！~”(≧▽≦)/见到店拿上嚟嘅一大煲清新亮泽嘅羊肉白汤，我脑入面不自觉咁出现左依句广告词！哈哈~
有几十年经验嘅师傅话，静系得新鲜羊肉先敢拿嚟来做清汤羊，依煲清汤羊份量十足，羊肉全部切成小块，使浓郁嘅汤底更容易渗入肉身，羊肉完全唔臊，而且煲得好淋，一够肉一啖汤，瞬间就暖到入心入肺。
酱爆羊除左小清新嘅清汤羊，仲同时推出重口味嘅酱爆羊，令大家有更加多嘅选择。浓浓嘅汤底配上精心炮制嘅酱爆羊，完全掩盖羊肉嘅臊味之余使到羊肉嘅味道有更丰富嘅层次。支竹完全吸收羊肉同汤底嘅精华后，味道更加系令人惊喜！
台山生蚝其实你望到一只只肥嘟嘟嘅生蚝一丝不挂咁排列系你面前，你仲睇唔睇得落去？！╭(???)???生蚝系老板特地系台山稳翻嚟，只只都又肥又大又新鲜！咁靓嘅生蚝，最好嘅食法就梗系白灼或者粥水浸，咁先可以保留佢原汁原味，既爽口又香滑嘅质感，真系好销魂！可以话咁靓嘅生蚝，广州已经无乜地方稳得到了！
顺便同大家分享下台山蚝场嘅自然风光！
宝平鱼刺身刺身我就经常食，但宝平鱼刺身我居然未试过，点可以执输，即刻加单！果然冇点错！平时食开的塘鱼肉质比较松，肚肥，味腥，但是鱼肉晶莹剔透的宝平鱼，源于绿色养殖，养殖要求高，不含激素，所以食落唔单止健康仲无泥腥味，而且佢可能经常运动，肉质结实，一D肥肚腩都无，口感真系又鲜甜又味美，正到爆啊！配埋姜葱蒜等配料，鲜美更上一层楼！真系食过返寻味，一试无回头啊！！！
正味美食城
人均：52蚊
-
营业时间：11:00-14:30、17:00-次日5:00